Spring menu over og gå til indholdVend tilbage til forsidenGå til vores guide for tilgængelighedForrige indlæg:

INUUSUTTUT AALLARNISAASARTUT ARSARTITSIPPUT TUJUULUNNILLU NASARTALINNIK AVATAGIISINUT AJOQUSIINNGITSUMIK SANAANIK ILUSILERSUILLUTIK

Septemberimi nukappiaqqat inuusuttut eqimattat marluusut suliffeqarfeeqqanik Erinarsarta aamma 7ly High pilersitsipput, arsartitsinissamik aamma pinngortitamik sianiginnittumik (økologisk) avatagiisinillu ajoqusiinngitsumik sanaanik tujuulunnik nasartalinnik tuniniaanissamik anguniagaqarlutik. Qaammatini arfineq-pingasuni piareersareerneq, qasseeriaqaluni arsartitsinermik- nipilersornertalimmik aamma tujuulunik narsartalinnik pinngortitamik sianiginnittumik sanaanik sakkortuumik oqariartuutilinnik tuniniaanermik naggaserneqarpoq.

Unge iværksættere i Nuuk afholder fodboldevent og designer miljøvenlige hættetrøjer

Arfininngornerup ullaap tungaa. Nuup timersortarfiata eqqaani biilinut unittarfimmi kanerneq nunngutaaq seqernup aatsereersimavaa. Timersortarfissuaq Nuummi illulianut qanganisaanernut ilaasoq, peqqinnermullu assiliartatut ilisarnaataanerpaatut ittoq, ullumikkut suliffeqarfeeqqat Erinarsarta aamma 7ly High-ip tuniniaanerannut isiginnaartitsiviusuusaarluni tunuliaqutaassaq.

Kissalaartumik tikilluaqqusineq

Matup igalaaminiusup tunuaniipput nukappiaqqat eqimattat ullaarnganiit eqqeersimaaqalutik peqataasunik takuniaasunillu tamanik tikilluaqquseqattaartut. Nerriviit sanileriiaat qaavaniipput tamulugassat imerneqarsinnaasullu peqqissaartumik inissitsiterneqarsimasut.

”Qilanaarnermik, unnuaq sinippianngilanga. Sapaatip akunnera sinnerlugu pissangasimavunga. Unammisaqattaartitsineq kiisami aallartillugu torrassuuvoq,”

Dennis 14-nik ukiulik qilanaarpasissumik qungujulalluni oqaluttuarpoq

Aallussilluarneq, pilerineq aallarnisaanerlu

Inersuaq, nateq linoliu nipituumillu nipilersorneq Erinarsartakkut arsartitsinissaannut sinaakkusiisuupput. Ullormut qiimalluni aallussilluarlunilu peqataanerulersitsinissamut iluaqutaasussaq, unammisitsinermi naliginnaasumik ukiut malillugit killilersuineq suiaassutsikkullu agguataarineq  ersinngillat. Inuusuttummi aallarnisaasartut kissaatigaat, tamat inissaqartinnissaat, tassalu atuarfimmit klassit, fritidsklubbit, 7ly High aamma Erinarsarta iligiinnik peqataasitsipput. Kingullermi peqataasimasup suliffeqarfeeqqap Qasujaallisartap klubbiminnit iligiinnik peqataasitsipput, tamannalu nukappiaqqanut arlaqartunut pisartuni kingullerni peqataasimasunut takoqqinnermik nuannersumik kinguneqartitsivoq. Aamma suliffeqarfittut ikorfartuisoq GrønlandsBANKEN nammineq iligiinnik allaffimmiunik peqataasitsivoq, taakku erniinnaq atserneqarput ”Old boys”. Unamminerit pikkunartumik, kisianni ilutigalugu ataqqinillunilu akuersaartumik ingerlanneqartarput. Pingaartumik nukappiaqqat inuusuttut isiginnaartunit qiimmattaatigineqartaqisumik periartuusaaraangasa.

Tujuuluk nasartalik allaanerusoq

Arfininngornermi tullermi anori nillerpoq, Brugsenip saani inissaqarluartumi, aput ilaatigut masannaqisoq, natersuartulllusooq illuni tussimavoq. Arpannissarsuaq ”Maji Nuan” inuppassuarnit arpannnermik nuannarisaqartunit ussagarneqarsimavoq. Nukappiaqqat 7ly High-meersut hoodiesit pinngortitamik sianiginnilluni sanaat pilerisaarutiginissaannut tuniniarnissaannullu, ulloq taanna periarfissatsialaasoq takusimavaat.

Inuit nuannaartut tamulugassanillu tuniniaanerit akornanni tujuuluk nasartalik allaanerussuteqarpoq. Atortumik pilerinartumik sanaap aamma Kalaallit Nunaanik ilisarnaatillip, tujuluup nasartallip qernertup sakiaa kusassarpaa. Suluit qaqortut angisuut Kalaallit Nunaat ungalusimavaat, qutsinnerusumik angusaqarnissamut piareersimaneq takutinniarlugulusooq. Tunuarsimaarneq qaqisunik iluarisaqannginneq (jantelov) tassani tujuulummi nasartalimmi takussaanngillat, tamannalumi inuusuttunit 7ly High-neersunit nuannerlunilu ersarissumik oqariartuutaavoq. Tujuuluk nasartalik avatagiisinik sianiginnilluni bomuldimik sanaajuvoq, taamaasilluni piujuartitsinissamik eqqarsarneq aamma siunissaq nukappiaqqat kissaatigisaat, isumaqatigilluinnarlugit.

Oqariartuut sakkortooq

Anguteeqqap 7ly High-meersup ulloq nuannaarutigaa aamma anillu hoodiesinik takutitaqarnissaq immaqalu aamma tunisaqalaarsinnaanissaq.

” Qaammatini arfineq-pingasuni una pillugu sulisimavugut. Suliaq annertusimaqaaq. 7ly High isumaqarpoq qutsinnerusumi timmissasugut, oqinnerusutut misigaluta ajornartorsiutinit, soorlu Kalaallit Nunaanni misigineqartartunit aniguilluta. Tujuuluit aamma pinngortitamik sianiginnittumik sanaajussapput, tassami pinngortitaq paarerusupparput,” Anguteeraq 17-nik ukiulik tulluusimaarluni oqaluttuarpoq.  

Ulloq naammat, inuit amerlasuut 7ly High-ip tuniniaavia saneqqussimavaat, alapernaatsumillu tujuluit nasartallit, ilisarnaataanullu isumaliutit pillugit apersortarsimallutik aamma arlaqartut tujuulummik taamaattumik peqartariaqarnerarput, tujuulummik nunagisamut tulluusimaruteqarnermik aamma ajornartorsiutit aningorneqarsinnaanerannik ersersitsisumik .

Nukappiaqqat sulinerat Business Awards-mi nalliuttorsiutigineqassaaq

Tuniniaanissamut siullermut sulineq annertooq nukappiaqqanut nukippassuarnik atuiffigusimavoq. Tamannalu  suleruloorsimaneq Business Awards-mi, arfininngorneq 12. juni, nersorniarneqassaaq, tassunga inuusuttut aallarnisaasartut GrønlandsBANKEN-mi Business Awards-mut Mind Your Own Business peqatigalugu qaaqquneqarsimapput. Tassani suliffeqarfik Erinarsartap aamma 7ly High-p aallarnisarneranni ilikkarsimasatik tamaasa oqalutturalugit saqqummiutissavaat. Nukappiaqqat saqqummeereernerisa kingorna dommerisut ataatsimiitsitat Kalaallit Nunaanni inuussutissarsiutillit aallarnisaasartullu, allagartamik nersornaaserneqarnermik kinguneqartinneqartumik nukappiaqqat oqalugiarfigissavaat.

Business Awards-mut piffissaq

Sumiiffissarlu

Arfininngorneq 12. juni 2021
Nal.: 11:00 – 13:30
GrønlandsBANKEN
Imaneq 33
3900 Nuuk

 

MIND YOUR OWN BUSINESS-LU AALLARNISAANEQ 

  • 2010-miilli Mind Your Own Business suliffeqarfeeqqanik 67-nik aallartitsiniarnermi piginnaasatigullu ineriartortitsiniarnermi nukappiaqqanik 608-nik peqataasitaqalersimavoq. 2015-mi Kronprinsparrets Sociale Pris nersunnaat tunniuttagaa, organisationimut tunniunneqarsimavoq.
  • Nukappiaqqat 13-niit 21-nut ukiullit Mind Your Own Businessimut ilaanissaminnut periarfissaqarput. Tassani nakappiaqqat suliffeqarfeeqqamik aallartitsiniarneranni, aallarnisaaniarneq qitiutinneqarpoq.
  • Tassani nukappiaqqat niuernikkut piginnaasaat aalajangiussisimanerallu misilittarneqassapput, niuernikkullu piginnaasassanik naliginnaasunik pissarsitinneqassallutik. Akisussaassuseqalernissaannik anguniakkanillu piviusunik angusaqarniarneranni unammillerneqarlutillu kajumissaarneqassapput.
  • 2019-mili Tuborgfondet tapersersuisoralugu Mind Your Own Business-ip ingerlatsisarnera

AALLARTINNGINNERMI IMALUUNNIIT AALLARTEREERNERMI PEQATAASUNUT MAKKU PAASINIAGASSAQQISSINNAAPPUT

  • Nukappiaraq inuusuttoq ataaseq arlallilluunniit peqataasimasut, isumassarsiaminnik nassuiaasillugit, aamma sooq tassunga suliffeqarfeeqqamut aallartitsiniaqatigiinnissamut peqataarusulersimanersut.
  • Maria Kavita Nielsen, Mind Your Own Business-ip pisortaa, nassuiaaqquneqarsinnaavoq uuma suliniutip suuneranik, ilaatigut eqqartortillugit pittaaqutai itisilertillugit, soorlu nukappiaqqat inuusuttut oqaatsitigut piginnaasaqarnerulertarnerat, imminnut tatiginerulersarnerat aamma suliassanut tunngasunut paasisaqarluarnerulersarnerat pillugit.
  • Ivalu Nørreslet Rex, Mind Your Own Business-mi suliniummut aqutsisuusoq, nassuiaasinneqarsinnaavoq suliniutip tassumap Kalaallit Nunaanni ingerlanneqarnerani siunertaq, tassa nukappiaqqat inuusuttut nukittorsarnissaat, namminneq pikkoriffiinik ineriartortitsinissaq aallaavigeqqissaarlugu.
  • GrønlandsBANKEN-mit imaluunniit Illit Forsikringit-mit suliffeqarfimmut tapersersorti, qaammatini junip tungaanut, nukappiaqqat peqatigalugit siunnersoqateqarlunilu suliffeqarfeeqqamik ineriartortitseqataasimasoq.


Mind Your Own Business

Maria Kavita Nielsen, direktøri aallarniisorlu
maria.kavita@myob.dk // +45 2611 7183
Otto Mønsteds Gade 5
København V.

Ivalu Nørreslet Rex, projektleder i Nuuk
ivalu.rex@myob.dk // +229 28 58 90
Tuapannguit 66
3900 Nuuk

www.myob.dk